om te swem

o lank het ek geswem en dit geniet,
soveel genot het ek daaruit geput!
soms het ek moeg geraak,
maar nooit het ek versuip...
behalwe
daai een slag:
diepe rivier, ek het daar geswem,
en jy, bang vir water het wag gehou.
toe ek die dag begin water sluk
het jy my gered
na hierdie droe oewer gebring
om te rus;
lank het ek gerus en heerlik warm geraak.
maar vandag het 'n hittegloed my oorval.
ek wil weer swem,
ek wil dryf,
vry wees!
maar toe ek die water gaan voel,
was dit koud.
maar steeds het ek warm gekry.
ek wou op die oewer sit met my voete in die water,
jy het my voorstel met trane beantwoord.
jy het my vrye teuels gegee om te doen wat ek wil,
en saggies gehuil.
want jy't my lank terug gered, en nou...
nou wil ek teruggaan om weer gered te word.
ek het probeer om so te sit, maar ek kon nie.
jy sien, daar is geen middeweg.
dis droog of nat,
langs die water le daar sinksand.
tog het ek nou finaal besluit:
ek gaan duik!
ek is onfiks, en ek weet ek sal eers swaarkry.
maar naderhand sal dit die moeite werd wees.
miskien
sal jy my eers moet help,
'n keer of wat moet red.
maar daarna sal ek lang hale swem.
op my eie, tot ek weer swaarkry,
tot daar weer iemand tot my redding kom.
maar jy,
ek wil he jy moet vir my daar bly
moenie agter my aankom nie.
bly daar,
hou wag,
net daar.
want eendag sal iemand daar waer sluk,
en slegs jy sal haar kan help.
bly daar...